ДРЕВНЕРУССКИЕ ТЕКСТЫ

ПОУЧЕНИЕ ВЛАДИМИРА МОНОМАХА

     Азъ  худый,  дЪдом  своимъ Ярославомъ, благословленным,
славнымъ, наречный  въ  крещении  Василий,  русьскымь  име-
немь Володимиръ, отцемь възлюбленымь и матерью своею
Мьномахы ... и хрестьяных людий дЪля, колико бо сблюдь
по милости своей и по отни молитвЪ от всЪх бЪдъ! СЪдя на
санех, помыслих в души своей и похвалих бога, иже мя сихъ
дневъ грЪшнаго допровади. Да дЪти мои, или инъ кто, слышавъ
сю грамотицю, не посмЪйтеся, но ему же люба дЪтий моихъ,
а приметь е в сердце свое, и не лЪнитися начнеть тако же и
тружатися.

         Первое, бога дЪля и душа своея, страх имЪйте божий в
сердци своем и милостыню творя неоскудну, то бо есть нача-
токъ всякому добру. Аще ли кому не люба грамотиця си, а
не поохритаються, но тако се рекуть: на далечи пути, да на са-
нех сЪдя, безлЪпицю си молвилъ.

       УсреЪтоша бо мя слы от братья моея на ВолзЪ, рЪша:
"Потъснися к нам, да выженемъ Ростиславича и волость ихъ
отъимем; иже ли не поидеши с нами, то мы собЪ будем, а ты
собЪ". И рЪхъ: "Аще вы ся и гнЪваете, не могу вы я ити, ни кре-
ста переступити".

      И отрядивъ я, вземъ Псалтырю, в печали разгнухъ я, и то
ми ся выня: "Вскую печалуеши, душе? Вскую смущаеши мя?" и
прочая. И потомь собрах словца си любая, и складохъ по ряду,
и написах. Аще вы послЪдняя не люба, а передняя приимайте.

"Вскую печална еси, душе моя? Вскую смущаеши мя?
Уповаи на бога, яко исповЪмся ему". "Не ревнуй лукавнующимъ,
ни завиди творящимъ безаконье, зане лукавнующии потребятся,
терпящии же господа, - ти обладають землею". И еще мало, -
"И не будеть грЪшника; взищеть мЪста своего, и не обрящеть.